Vydání Rukopisů

CODEX JURIS BOHEMICI.
Opera Hermenegildi Jireček.
1867

Strana 1:
Carminum antiquorum fragmenta duo.
(Manuscriptum s. d. Viridomontanum.)

Mense Novembri 1818 Francisco comiti de Kolovrat, summo tum regni Bohemiae burggravio, traditum est volumen quatuorn foliorum membraneorum manu scriptum, quo continebantur fragmenta duorum carminum monumentis antiquitatis bohemicae vetustissimis adnumeranda. Volumini illi ex argumento alterius fragmenti inditum nomen "Libussae Judicio" (Libušin soud). Repertum autem est jam anno 1817 in Monte Viridi, quod est arx prope Nepomuk in Bohemia sita, et quidem in cella ubi id temporis repositorium erat. Detectoris nomen est Franciscus Kovář, qui tum in dicione arcis Viridomontani munere quodam publicio minori fungebatur, atque is fuit, qui illa folia manu scripta de Kolovrat tradenda curavit.

Manuscriptum ipsum ex loco ubi repertum est Viridomontanum nunc appellatur et in Museo regni Bohemiae asservatur.

Qui autem accuratius cognoscere volunt, quonam modo repertum sit, quae sit exterior ejus facies, quibus rationibus auctoritas ejus impugnata et quibus argumentis vindicata sit: eos delegamus ad libros qui inscribuntur: Die ältesten Denkmäler der böhmischen Sprache, kritisch beleuchtet von P. J. Šafařík und Fr. Palacký (Prag 1840); Svědectví o nalezení Libušina soudu, sestavil V. V. Tomek (Čas. Č. Musea 1859); Die Grünberger Handschrift. Zeugnisse über die Auffindung des Libušib soud (Prag 1859); Die Grüberger Handschrift (in opusculo: Die Echtheit der Königinhofer Handschrift, kritisch nachgewiesen von J. und H. Jireček, Absatz X. Prag 1862); Výměsky o dědičném právě v Čechách co příspěvek k vysvětlení zlomku Zelenohorského, čtení J. P. Šafaříka (Sebrané spisy III. V Praze 1864). Complura etiam in utramque partem conscripta per ephemerides dispersa leguntur.

Orationis contextui, quem exhibuimus, addidimus interpretationem latinam a Šafaříkio et Palckio institutam, nonnullis quidem mutatis, quae sollertia recentiorum in has res diligentissime inquirentium emendaverat, attamen ordine quo archetypi vocabula sese excipiunt accuratissime conservato.

CODEX JURIS BOHEMICI.
Tomus Primus. Aetatem Přemyslidarum Contineus. Opera Hermenegildi Jireček. Pragae 1867. Typis et sumptibus typographi I. L. Kober. Formát 21,5 x 13,5 cm. Stran 447+XII.

Městská knihovna v Praze [sign. D 2291/Ia]